ՌԵԱԼ           ՄԱԴՐԻԴ

Քրիստիանո Ռոնալդուն շաբաթական աշխատելով 100.000 եվրոյից ոչ պակաս, գիտի, թե ինչպես պետք է ծախսել այն։Ինչպես տեղոկացնում է autolur.com-ը  Ռոնալդուի 11 մեքենաներն են՝

11) Mercedes Benz C-Class Coupe. 

129 ձիաուժ հզորությամբ այս մեքենան Ռոնալդուի ամենասովորական մեքենան է: Այս ավտոմեքենայով նա շրջում էր Մադեյրե քաղաքի փողոցներով, որտեղ նրան հիշում են որպես ոտաբոբիկ տղա, որը գնդակի ետևից էր վազում:

10) BMW M6

Այս մեքենան ունի 507 ձիաուժ հզորություն, շնորհիվ 5 լիտր աշխատանքային ծավալի շարժիչի: Այս լավ, բայց ընդհանուր ֆոնի վրա սովորական երևացող մեքենայով Ռոնալդուն 2008 թվականին շրջում էր էր Մանչեսթերում

9) Porsche Cayenne Turbo S

Շնորհիվ 4.5 լիտր աշխատանքային ծավալով շարժիչի, այս մեքենան 0-100 կմ/ժ արագությանը հասնում է 5.2 վայրկյանում, իսկ մաքսիմալ արագությունը կազմում է 270 կմ/ժ:

8 ) Aston Martin DB9 

517 ձիաուժ հզորությամբ և 307 կմ/ժ արագությանը հասնող այս մեքենան Ռոնալդուն գնել է Մանչեսթեր Յունայթեդում խաղալու ժամանակ, վճարելով ընդամենը 130.000 ֆունտ սթերլինգ:

7) Porsche 911 cabriolet

Ռոնալդուն վարելով այս ավտոմեքենան զգում էր, թե ինչպես է Մանչեսթերի քամին 286 կմ/ժ արագությամբ «հարվածում» նրա դեմքին  և վայելում 349 ձիաուժը:

6) Audi RS 5

Audi ընկերության և Real Madrid-ի համագործակցությունը հանգեցրեց նրան, որ Ռոնալդուն գնեց RS 5 մոդելը, վճարելով դրա համար չնչին 230.000 դոլլար:

5) Maserati GranCabrio

440 ձիաուժ հզորություն և 284 կմ/ժ արագություն ունեցող այս մեքենայի ղեկին Ռոնադուն նստել է Մադրիդում գովազդ նկարահանելու ժամանակ: Այս մեքենան այնքան է դուր եկել նրան, որ միանգամից վճարել է 150.000 դոլլար, այն ձեռք բերելու համար:

4) Bentley Continental CTS

Այս անգլիական մեքենան նա գնել է Անգլիայում խաղալու ժամանակ: ասում են, որ Ռոնալդուն 567 ձիաուժ հզորությամբ և 319 կմ/ժ արագությու ունեցող այս մեքենայից չի բաժանվում 2007 թվականից:

3) Ferrari 599 GTB Fiorano

620 ձիաուժ հզորությամբ այս մեքենան, որի մաքսիմալ արագությունը կազմում է 330 կմ/ժ, Ռոնալդուն գնել էր 180.000 ֆունտ սթերլինգով, չեմպիոնների լիգայի մոսկովյան եզրափակիչում հաղթելուց հետո, իսկ 2009 թվականին վթարի էր ենթարկել մանչեսթերական օդանավակայանի թունելում:

Այդ վթարից հետո, նրա ակումբային ընկերները նրան նվիրեցին ֆեռարիի խաղալիք ավտոմեքենա, բայց հումորը Ռոնալդուի դուրը չեկավ և նա նորից գնեց Ferrari 599 GTB Fiorano:

2) Bugatti Veyron

Nike ընկերության հանրահայտ գովազդից հետո, որտեղ Ռոնալդուն հաղթել էր ավտոմեքենային, (հզորությունը ՝1001 ձիաուժ, մաքսիմալ արագությունը՝ 407 կմ/ժ) նա գնեց այդ հրաշքին՝ Bugatti Veyron-ը 830,000 ֆունտ սթերլինգով:

1) Lamborghini Aventador LP700-4

Ռոնալդուն իր ծննդյան 27-ամյակին ինքն իրեն նվիրեց ևս մեկ սուպերմեքենա Lamborghini Aventador LP700-4 : Ճիշտ է, այս մեքենան տեխնիկական տվյալներով զիջում է նախորդին, (700 ձիաուժ հզորություն, 350 կմ/ժ արագություն) բայց շատ մեծ տպավորություն է թողնում այն մարդու մոտ, ում կողքով անցնում է:

autolur.com-ը